სხვა ცის ამბავი | გიორგი კეკელიძე

გიორგი კეკელიძის „სხვა ცის ამბავი“ ჩვენი გმირების ახალ, უჩვეულო, ზღაპრულ თავგადასავლებზე გვიამბობს — თომასა და ნიკა ლოს ცაში ფეხით მოგზაურობის, ბუმბოსთან შეხვედრის, ნისლის ქოხის კაცუნას, მზის, სათამაშოებისა და ამასთანავე არასათამაშოების შესახებ.

ზღაპრული ამბების გმირები ემსახურებიან ყველაზე დიდ ფასეულობებს — სიკეთეს, სიყვარულს, ღირსებას, რომელიც ბავშვებისთვის ყველაზე მეტად გასაგები გზებით, ხერხებითა და მაგალითებითაა წარმოდგენილი.

ამ ამბებში მკითხველი ეზიარება არა მხოლოდ საკუთარი კეთილდღეობისაკენ სწრაფვას, არამედ გარშემომყოფთა მიმართ ზრუნვის, სიყვარულის და თანაგრძნობის გამოხატვის მნიშვნელობას.

ზღაპრები საუცხოოდ გააფორმა 11 წლის, ნიკოლოზ ლოლაძემ. პატარა მკითხველებს საინტერესო ამბების წარმოსახვაში თბილი ფერები და მეტყველი თვალებით მოსაუბრე პერსონაჟები დაეხმარებიან.

მხატვრისთვის „ყველაზე ფერადი თამაში — ხატვაა“. ის 5 წლის ასაკიდან ხატავს. ნიკოლოზის პირველი პერსონალური გამოფენა 2019 წელს, ელენე ახვლედიანის ბავშვთა სურათების გალერეაში შედგა.

 

ამბობს რომ „ერთ-ერთი ჯადოსნური დღე იყო, როცა გიორგი კეკელიძემ საკუთარი ზღაპრების გაფორმება „ანდო“!“

ბებოს ზღაპრები. წიგნი I (მაგარი ყდა) | სანაძე მანანა

მანანა სანაძის `ბებოს ზღაპრები~ გამოიცემა სამ სერიად, საქართველოს უნივერსიტეტის გამომცემლობის მიერ. თითო სერიაში 5 ზღაპარია. `ბებოს ზღაპრები~ პატარა მკითხველს სთავაზობს უამრავ საინტერესო თავგადასავალს პომიდორასთან, ფორთოხალასთან, მსხალასთან, კვახუნასთან, კარტოფილასთან და სხვა ხილ-ბოსტნეულის ბავშვებთან ერთად. _ ხილბოსტნეულის ბავშვები განა არსებობენ? _ ალბათ, დაეჭვებით იკითხავთ თქვენ. წაიკითხეთ და თქვენ თვითონ დარწმუნდებით, რომ არათუ არსებობენ, არამედ თქვენსავით თამაშობენ, უყვართ, მეგობრობენ, მეცადინეობენ, უხარიათ, მშობლებს უჯერებენ... ან არ უჯერებენ...

პირველ წიგნში პატარა მკითხველი გაეცნობა თუ რა ძვირად დაუჯდა პომიდორას საგზაო მოძრაობის წესების დარღვევა და გადასასვლელზე უყურადღებობა; როგორ გახდა პატარა მსხალა სახელგანთქმული მუსიკოსი; როგორ დაძლია ღორმუცელა ფორთოხალამ ტორტის ერთიანად შესანსვლის ცდუნებას და ტორტი ხელუხლებლად შეუნახა მეგობრებს; როგორ გაატარა თავისი არდადაგები პატარა კვახუნამ ბებია კვახასთან სოფელ კიტროვანში; როგორ დაიხსნეს კარტოფილამ, ფორთოხალამ, ხახვამ და სხვებმა დელფინები ბოროტი შავხელას ტყვეობიდან.

 

წაიკითხეთ და ისიამოვნეთ!

ბებოს ზღაპრები. წიგნი II. (მაგარ ყდაში) | სანაძე მანანა

ბებოს ზღაპრების წიგნი I, II და III განკუთვნილია დაწყებითი კლასების (6, 7, 8, 9 წლის) ბავშვებისათვის. ამ სერიის I წიგნი გამოიცა 2017 წელს საქართველოს უნივერსიტეტის გამომცემლობის მიერ, რომელშიც სოფელ კიტროვანზე და მასში მცხოვრებ ხილ-ბოსტნეულის ბავშვებზე: ხახვაზე, ფორთოხალაზე, კარტოფილაზე,  სტაფილუნაზე, მსხალაზე, კვახუნასა და სხვებზეა მოთხრობილი. 

ბებოს ზღაპრების წინამდებარე, II წიგნი დამოუკიდებელი ზღაპრებისაგან შედგება, თუმცა პატარა მკითხველს ვურჩევთ გაეცნოს პირველ წიგნსაც, რომელშიც წიგნის გმირების წინა თავგადასავლები დახვდება.

თომას ზღაპრები | გიორგი კეკელიძე

ამ წიგნით შედგა, ქართველი ეროვნული ბესტსელერის „გურული დღიურების“ ავტორის, გიორგი კეკელიძის, როგორც მეზღაპრის დებიუტი.

ზღაპრები 4 სერიად გამოიცემა. თითოეულ სერიაში შედის 5 ზღაპარი. წიგნი განკუთვნილია 4 დან 10 წლამდე ბავშვებისთვის. გიორგი კეკელიძის წერის სტილი და მანერა ტექსტს ადვილად გასაგებს ხდის, რაც ძალიან მნიშვნელოვანია პატარა მკითხველებისთვის.

 

თომასთან, ბაიბურასთან, ბებიასთან, თუთასთან, თომთესთან და ქალბატონ გადაბრუნდასთან ერთად ბავშვები და მშობლები საკუთარ წარმოსახვაში განიცდიან იგივე შეგრძნებებს, გამოცდილებას, თავგადასავლებს, რასაც ზღაპრის ჯადოსნური გმირები. თითოეული ზღაპარი შთააგონებს მკითხველს თუ რამდენად დიდია კეთილი სიტყვის ძალა. ზღაპრებში კეთილი და ბოროტი ერთმანეთს არ უპირისპირდება. ავტორის მიგნება, პატარებს სიკეთის მნიშვნელობა და კეთილი საქმის კეთება ისევ კეთილი ძალების დახმარებით შეძლონ, უდავოდ განსაკუთრებულ ყურადღებას იპყრობს და პატარა მკითხველებსაც დადებითი ემოციით განაწყობს წიგნის მიმართ.

 

მომღერალი თევზები | იზი ასლამაზ-ბარათაშვილი

წიგნი "მომღერალი თევზები" განკუთვნილია 10 წლამდე ბავშვებისათვის. ან წიგნით შედგა იზი ასლამაზ-ბარათაშვილის დებიუტი. თავის ზღაპრებს ის უძღვნის მსოფლიოს ყველა კუთხის დიდ-პატარას და უსურვებს გახდნენ უფრო კეთილები და დიდსულოვნები.